Требник монашеский

Чин бываемый на одеяние рясы и камилавки

Во иго Твое, Владыко, спасительное приими раба Твоего и сподоби его сочетатися пастве избранных Твоих. Облецы его освящения ризою, целомудрием препояши чресла его, всякаго воздержания яви его подвижника, в нем и в нас духовных Твоих благодатей совершая дарование, молитвами Пресвятыя Владычицы нашея Богородицы и Приснодевы Марии, и всех святых Твоих

Чин пострижения в малую схиму

Брат наш восприял есть обручение ангельскаго образа, и оболкся есть во вся оружия Божия, во еже мощи ему победити всю силу и брани начал и властей и миродержителей тмы века сего, духов злобы поднебесных, во имя Отца и Сына и Святаго Духа; рцем вси о нем: Господи, помилуй.

Чин пострижения в великую схиму

Что пришел еси, брате, вторицею припадая ко святому жертвеннику, и ко святей дружине сей? - Желая жития совершеннейшаго постническаго, честный отче. Желаеши ли сподобитися ангельскому образу, и сопричтен быти лику инокующих, и иноческия обеты усугублением пред Господем обновляти?- Ей, честный отче.

Чин погребения монахов

Приидите, последнее целование дадим, братие, умершему благодаряще Бога, сей бо оскуде от сродства своего, и ко гробу тщится, не к тому пекийся о суетных, и о многострастной плоти. Где ныне сродницы же и друзи? Се разлучаемся. Егоже упокоити, Господу помолимся.

125